ಕೋಲಾರ ಅಂತರಗಂಗೆ ಬೆಟ್ಟದ ಮೇಲೆ ಅಣ್ಣ ಬಾಂಡ್

Loading

ಬೆಂಗಳೂರಿನಿಂದ 70 ಕಿ.ಮೀ ದೂರದಲ್ಲಿರುವ ಕೋಲಾರ ಜಿಲ್ಲೆಯ ಪ್ರಸಿದ್ಧ ಪುಣ್ಯಕ್ಷೇತ್ರ, ದಕ್ಷಿಣದ ಕಾಶಿ ಎಂದೇ ಜನಜನಿತವಾಗಿರುವ ಅಂತರಗಂಗೆಯಲ್ಲಿ ಪುನೀತ್ ರಾಜ್ ಕುಮಾರ್ ಅವರ 'ಅಣ್ಣ ಬಾಂಡ್' ಚಿತ್ರೀಕರಣ ಶುಕ್ರವಾರದಿಂದ (ನ.11) ಭರದಿಂದ ಸಾಗಿದೆ. ಕೋಲಾರ ನಗರದಿಂದ 4 ಕಿ.ಮೀ ದೂರದಲ್ಲಿರುವ ಶತಶೃಂಗ ಪರ್ವತ ಎಂದು ಕರೆಯುವ ಬೆಟ್ಟ ಶ್ರೇಣಿಯೇ ಅಂತರಗಂಗೆ. ಇಲ್ಲಿನ ತೇರಹಳ್ಳಿ ಬೆಟ್ಟ ಮೇಲೆ ಬಂಡೆಗಳ ಮೇಲೆ ಸಾಹಸ ಸನ್ನಿವೇಶಗಳನ್ನು ಚಿತ್ರೀಕರಿಸಿಕೊಳ್ಳಲಾಯಿತು. ರಂಗಾಯಣ ರಘು ಕೂಡ ಚಿತ್ರೀಕರಣದಲ್ಲಿ ಭಾಗವಹಿಸಿದರು. ಪುನೀತ್ ರಾಜ್ ಕುಮಾರ್ ಬಂದ ಸುದ್ದಿ ತಿಳಿಯುತ್ತಿದ್ದಂತೆ ಅಪಾರ ಸಂಖ್ಯೆಯ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನನ್ನು ನೋಡಲು ಬೆಟ್ಟ ಹತ್ತಿ ಬಂದರು. ತಮ್ಮ ನೆಚ್ಚಿನ ನಟನೊಂದಿಗೆ ಅಭಿಮಾನಿಗಳು ಫೋಟೋಗಳನ್ನು ತೆಗೆಸಿಕೊಂಡು ಸಂತಸಪಟ್ಟರು. ಸೂರಿ ಆಕ್ಷನ್ ಕಟ್ ಹೇಳುತ್ತಿರುವ ಈ ಚಿತ್ರ ತೀವ್ರ ನಿರೀಕ್ಷೆಗಳನ್ನು ಹುಟ್ಟುಹಾಕಿದೆ.